• að stuðla að samstarfi leik- og grunnskóla á svæðinu og samstarfi einstakra hópa í skólunum t.d. kennara sömu námsgreina. Þeir hafa frumkvæði að verkefnum sem stuðla að sameiginlegum markmiðum skólanna og skólaþjónustu.

• að veita stuðning við skimanir á deildum og í bekkjum eða skimar líðan, náms- og þroskastöðu, námsframvindu, félagsfærni og hegðun.

• að veita ráðgjöf og handleiðslu um verklag við snemmtæka íhlutun, þ.e. að bregðast fljótt við námslegum, félagslegum og sálrænum vanda hjá börnum og stuðla að kennslu og stuðningi við hæfi í samvinnu við sálfræðing.

• að taka þátt í þverfaglegri aðkomu skóla- og velferðarþjónustu að málefnum einstaklinga, s.s. í teymum um málefni einstaklinga og skilafundum utanaðkomandi stofnana.

• aðstoða við gerð einstaklingsnámskráa barna og nemenda með sérþarfir eftir óskum þar um og koma að úrlausn bráðamála, eftir aðstæðum og í samvinnu við þá sem málið varðar.

• liðsinna skólum við áætlanagerð um starfsþróun starfsfólks leik- og grunnskóla og standa fyrir símenntun fyrir allar starfsstéttir skólanna.

Samvinna og ráðgjöf til sveitarstjórna er stór hluti starfsins.

Hegðunarráðgjafi í skólaþjónustu Árnesþings vinnur í anda snemmtækrar íhlutunar. Hann vinnur náið með foreldrum, kennurum og öðrum sérfræðingum í Skóla- og velferðarþjónustu. Hegðunarráðgjafi kemur að máli þegar unnið hefur verið með hegðunarmótandi úrræði í leik- og grunnskóla en þau ekki skilað ásættanlegum árangri. Hegðunarráðgjafi getur einnig veitt ráðgjöf inn á heimilum barna þá ef þörf krefur og vinnur með foreldrum.

Teymsstjóri hefur umsjón með skipulagningu skólaþjónustunnar og stýrir vinnu hennar í samráði við yfirmann.